మనిషి తీరు

మనిషి తీరే అంత

చేయలేని పనులను చేస్తూ, పడుతూ లేస్తూ

అసాధ్యమయిన పనులను అలవోకగా సాధిస్తూ

ఆలోచనలకు అందని దూరాలకూ, తీరాలకూ చేరుకోవడం

నక్షత్రాల మధ్యన పుట్టిన మనిషి

నక్షత్రమయ్యే దాకా నలిగి పోతుంటాడు

నక్షత్రాలను తాకుతాడు, వాటితో ఆడుకుంటాడు

కలలు కంటాడు, కల్లలు కంటాడు

తోకచుక్కల మీద ఎక్కి గెలాక్సీలు దాటుతుంటాడు

అంతా చూడాలని, అంతా తెలుసుకోవాలని తపన

అనంతమయిన ప్రశ్నలకు ఆన్సర్ వెతకాలని తపన

అందినా అందకున్నా అసంతృప్తి మిగిలే ఉండాలి

అగాధాలను, అత్యున్నత శిఖరాలను

స్థల కాలాలలోని వంపులను

తెలియని సంగతుల సొంపులను

కళ్ల ముందు చూడగలగాలన్నది ఒకటే గమ్యం

అది ఒక మంట

ఆలోచనల గురించిన మంట

మనసులో మంట

మనిషి తీరు అంతే

(పై బొమ్మ చాలా పెద్దది. వాల్ పేపర్ గా పనికి వస్తుంది. సేవ్ చేసి వాడుకోండి)